بقلم : هيا صقر (بطل حياتي)

خليك بطل حياة عيالك
خليك اب حنين و حضن واسع خليك كريم علي عيالك علشان يطلعو شبعانين
علمهم ان ربنا دايما موجود و جلاب حقوق
علمهم ان رزقه واسه و ملوش حدود
متربوش بناتكم علي ان الحياه بيت و زوج و عيال علشان الحياه مش راجل و بس و الزواج و الخلفه مقدر و نصيب و محدش عارف ميعاده غير الله سبحانه وتعالى
و علشان لو حاجه من دي مجتش ميحبطوش
علمو بناتكم يبقو ناشفين و مسئولين و ميتنسدوش غير علي ابوهم و في عدم وجوده يسندو نفسهم بنفسهم
علموهم يشتغلو و يعتمدو علي نفسم و يبقو شئ نافع في المجتمع
ولدو عندهم عزة نفس و كرامه عاليا علشان انت مربتش و كبرت علشان يجي حد يهينهم
خليك دايما سند و ضهر لبنتك علشان متدورش علي سند تاني و يكسرها في يوم من الايام
خليك فخر ل عيالك مش نقطة ضعف
ادعمهم دايما و ولد فيهم عزيمه و أسرار و اقبال علي الحياه
متستخسرش و استثمر فيهم علشان هيبقو سند ليك في يوم
خليك عطوف دايما عليهم علشان يطلعو عطوفين علي غيرهم
ازرع الحنيه في قلوبهم علشان ميقسوش عليك في يوم من الايام
اوعي تسمح لحد يدخل بينك و بين عيالك علشان هما حته منك و مفيش غيرهم جي منك
زي ما الام هي الحنيه الاب هو السند و الضهر و الحضن الأمان هو الوتد لعياله و هو العقل المدبر لمستقبلهم
هو المثل الأعلي و اول قدوه
خليك ونعم القدوه علشان لما تكبر يسندوك و يودوك متخليش مسافه بينكم علشان المسافه دي هتفضل تكبر و انت بتكبر.
انا ابويا بطل حياتي