البنات عايزه ايه ..الموضة رايحه بينا علي فين …المناطق العشوائية تنافس المناطق الراقية في الخلاعة لجذب العرسان

تحقيق ..حماد مسلم
،،،،علي فين وخدانا يادنيا علي اي طريق نسلكه هي البنات عايزه ايه سؤال بنسأله ديما هو ايه اللي جري في الدنيا حتي تتسلل الينا عادات وتقاليد ليست من تقاليدنا ولا عاداتنا ارتدي الشباب البناطيل المقطعه والثياب المهرول وبقدرة قادر وجدنا بناتنا يرتدينا نفس الثياب والبناطيل المقطعة حتي وجدنا بنات المناطق العشوائية اصبحن يتنافسن علي الموضة تعالي عزيزي القاريء في السطور التاليه نتعرف علي بعض التفاصيل ،،،،
.موضة
في البداية تقول نعمات مرعي طالبه بكليه التجاره الموضة مجنونه وفي بعض الاحيان تخرج علينا موضة لا نتخيلها ولا نتوقعها البناطيل المقطعة ليست وليدة اليوم بالعكس هي موجوده وانتقلت لنا الايام دى وفعلا انتشرت بصوره غريبة ولكن نحن في الجامعة لا نرتدي تلك البناطيل لان ادارة الجامعة ترفض ذلك
…المشاهير
وتعلق مارينا صفوت ان معظم المشاهير هم الذين يرتدون تلك الثياب المقطعة والمهرولة وللاسف احنا بنقلدهم وبصراحة هناك بعض البنات يفكرن في ان تلك الموضه تجلب العرسان وبصراحة هناك بناطيل لها اسماء واشكال لا تتناسب مع عاداتنا وتقاليدنا
…عايزه اتجوز
وتري نيره محمود ان البنات يلجأن الي تلك الموضة لجذب عريس وخاصة في المناطق العشوائية زادت بصوره ملفته للنظر البنات عايزه تتجوز يااستاذ الينات كتير واللي تلاقي عريس تتمسك بيه
…هوجة
وتؤكد نفيسه عبد الرحمن ان ظاهرة الثياب المقطع والثياب المهرول هوجه وسوف تنتهي ولكن السؤال البنات عايزه ايه البنات عايزه تكون اسره وبتحلم تكون ام
،،،،،عزيزي القاريء تلك عينه عشوائية ومازلنا لا نصل لحقيقة الامر البنات عايزه ايه وخاصة وان مسلسل الانفلات الاخلاقي ليس يخص البنت وحدها ولكن الولد مشارك معها اذا كانت البنات عايزه تتجوز السؤال نفسه والولاد عايزين ايه معادلة صعبة في زمن انقلبت فيها الصورة ولنا في الملف تكمله