“إستبن”

بعدت حبه
اصبح كل اللي ما بينا
شوق ومحبة
من بعد ما كنا بنتكلم
وبنحكي كتير
وبنسهر مع بعض يوماتي
علي التليفون
والشحن يطير
فجاة اتحولوا العصافير
واتبني سد
اصبح كل كلامنا بحد
يعني يادوب
كلام ع الاد
عامل ايه
دايما بالخير
اخبارك ايه
و مفيش تفسير
ولا حتي دليل
تيجي تقولي
ان اننا غلطان
الهجر اكيد
طبع الانسان
وكل حديث
وله آيه
وكل علاقة حب
زي مليها بداية
ليها نهاية
مش تخلص كده
كلمه وخبطه
هي يا دوب
بعدت حبه
في ظل الليل
اللي مالوش اخر
يسرح فكري
جوه نافوخي
دود ناخر
واقعد افكر
واراقب بروفيل الهانم
يمكن اتدبر
ولقيت من جوايا كلام
عايز يخرج
وكف الايد ع الخد يحبر
ويقولي ف وشي
من غير كدب
فوق يا إستبن
عايش وبتحلم
وخلاص الحب
دخل دارنا
وإمتي حبيبي
يبات جارنا
هي مقارنه
فيها بتختار
والكفة الرابحه
مش في ميزانا
فبلاش تحتار
احنا بطيبة قلب مشينا
زي ما رحنا
زي ما جينا
والرد الصارم
علي بعدها اللي محيرنا
هو هبلنا
مع أول بسمه
كده طبيت
شاب عبيط
وفضلت انا ماشي
علي خط السير
ولا فكرت في مره
افرمل
او اي اجيب خطوة
يا دوب للخلف
فعلا بقف
كان لازم افهم واخف
الشوق الهيمان
والدباديب والاحلام
عزومات بالكوم
إشي كبدة وبرجر
كشري ورسلان
كفايا جنان
في حساب ربك
مكتوب مواعيد
ولا يوم تسبقها
ولا عنها تحيد
فمتستعجلش
وما تندمش
بردوا اتعلمت
كنت مفكر نفسك
بااريم ديله
ميه وجاريه
ومن فوق تبن
طلعت انت
يادوب
إستبن