صرخة مريض….!

بقلم سيد محمد احمد

عزيزى المواطن خدعوك فقالوا فيه رقابة الحقيقة ان الرقابة والتفتيش موجود فعلا بس على الغلابة فقط ال رايح شغلة وال بيجرى على لقمة عيش اولاده ده تلقيه متاخد ومتفتش وطالع ميتين اهله هو الجيران كمان علشان الوقاية اما الحيتان الكبار ال بيسموهم رجال الاعمال او المستثمرين ال هما متحكمين فى كل شئ دول معاهم حصانة لزقة فيهم هما وكل اتباعهم وما عارفهم وحتى الجيران لزوم الوجاهه وده كله نتيجة الفساد والمحسوبية والمجاملات المنتشرة فى بلدنا وطبعا كلة على حساب الغلابة ال بيطبق عليهم القانون وابوا القانون فقط عزرا عزيزى المواطن فى اطالة المقدمة لكن كان ضرورى ان نوضح مقولة ان القانون لا يطبق على كل الناس عندنا على اثر ذلك المريض عندنا بيصرخ ولا احد يسمعه ولا حتى احد شايفه رغم انه مريض ومحتاج لاى احد يحس بيه ده المفروض طبعا فى جميع انحاء العالم الا عندنا وخاصة المرضى الغلابة ال هما ممعهمش ثمن العلاج الصرخة جاءت هذه المرة من داخل وامام صيدليات بلدنا الذى لا حاسب ولا رقيب عليها كل واحد بيبيع الدواء ال على مذاجه بالسعر ال على مذاجه كل صيدلية لها سعر خاص بها ومرضى الغلابة يصرخون داخل وامام الصيدليات ولا مجيب يدخل المريض بالروشتة للصيدلية يلاقى حساب العلاج مائة جنيه فهو علشان مستلف ثمن الكشف عند الدكتور ال رفع الفيزيتا هو الاخر عشرة اضعاف فيذهب المريض الى صيدلية اخرى يلتمس فيها الغوث يلاقى نفس الروشتة سعرها مائتين جنيه فيرجع للصيدلية الاولى وهو يجر رجليه بالعافية منكسر الراس لانه صرخ وملقاش حد يغيثه طيب فين بقى الرقابة ال بيقولوا عليها شفتوا بقى الرقابة والقانون بيطبق على مين انا سمعت ان احنا عندنا وزارة للصحة وفيها اجهزة وادارات كثيرة للرقابة طيب بيرقبوا مين انا عارف اننى تخطيت الحدود مثل الزميل عمرو اديب بس احنا بنحب البلد دى وبنغير عليها والله العظيم الناس بتصرخ داخل نفسها محتاجه مجيب اين القوانين التى تحكم قطاع الدواء فى مصر وقوانين فيزيتا الاطباء الخيالية حتى ان الغلابة اصبحوا لا يعرفون ابواب العيادات الخاصة فكيف يكون ذلك موجود فى بلد كلها قوانين وربنا يجعله عامر ونلاقى احد يسمع صرخة المريض