تعالي نحب احسن بلاسياسه ولا قرف بقلم /حماد مسلم
شغبطه …نقطه من اول السطر
الواحد جاتله حاله من القرف من الكلمات اللي زي الصخر لا حس لا شعور حاجه جامده كده اللي نصبح فيه نبات فيه قولت نجرب نكتب عن الحب وبصراحة كده لقيت منجم من الكلمات قولت تعالي نرشهم عليكم عزيزي القاريء في البدايه كده الحب اسمي ايات الانسانيه ربنا خلقنا علشان نعيش الحياة ونحب بعضنا البعض قبل مالكلام يخدني للسياسة تعالوا ندخل في الموضوع
أجمل حاجة ف الحياة إنك تلاقي حد يحبك حب مطلق ، يحبك بدون مقابل ، يحبك لنفسك زي ما هي ، يحبك حب التقبل التام ، يحبك بمميزاتك وبعيوبك ، يحبلك السعادة علطووووووووول ، يحبلك الفرحة دايما ، يحب يشوفك مبسووووووووط ، مش عايز منك حاجة غير انك تكون ف احسن حالاتك ، قلبه بيطمن بوجودك ، قلبه بيحس بالهدوووووووووووء جنبك ، بيبعد بيك عن صخب الحياة ، حاطك ف كفة والعالم كله ف كفة ، مش عايز من الدنيا غيرك ، داخل ف ادق تفاصيل حياتك ، مش بتحلا الحياة غير بيك ، اذا اختفيت يدور عليك ، اذا بعدت يقرب منك ، اذا زعلت يخاف على زعلك ، اذا اتضايقت يخفف عنك ، اذا احتجتله يكون سندك ، اذا كل الناس تخلت عنك هو لأ ، إذا كل الناس فهمتك غلط هو لأ ، اذا كل الناس بعدت وسابتك هو لأ .احلى حاجة لما تكون ضامن الشخص ده ضمان مطلق ، ضامن انه مش هيبعد عنك ، ضامن إنه مش هيزعل منك ، ضامن إنه مش هيفهمك غلط ، ضامن إنه سندك طول الوقت ، ضامن إنه ضهرك علطووووووووول ، عمرك ف لحظة ما تشك ف إنه يسيبك ، عمرك ف لحظة ما تشك إنه بيدور على غيرك ، عمرك ما تشك انه بيخونك ، عمرك ف لحظة ما تفكر إنه ممكن يمشي ، مجرد التفكير أصلا ميجيش ف خيالك ، مجرد انه وحش ميخطرش على بالك
والاجمل من كل حاجة إن الشخص ده يديك الأمان المطلق ، مهما حصل مش خايف تحكيله ، مهما كان مش متردد تشكيله ، بتحكيله عن كل شيء واي شيء من غير خوف ، مش خايف من ردة فعله ، مش خايف يفهمك غلط ، مديك حرية الكلام ، مديك حرية الفضفضة ، عمرك ما خفت وانت بتقله حاجة ، عمرك ما شكيت انه هيزعل منك ، لدرجة إن لو إحساسك بدأ يتغير تجاهه لاي سبب تجري عليه وتترمي ف حضنه وتقوله انا خايف من مشاعري ناحيتك ، انا مش عايز امشي واسيبك ، انا مش عايز ابعد عنك ، انت كل حياتي ، مش عايز احس باي شيء وحش ناحيتك ، انت حبيبي وانا بحبك وهفضل احبك.
و الأنسان ده موجود ف حياتك ، حافظ عليه ، خليك جنبه ، متفهمش خوفه عليك غلط ، متفهمش غيرته عليك غلط ، متفهمش اي حاجة بيعملها غلط ، لإنه اكيد اكيد مش بيكون بيعمل حاجة غير عشان بيحبك ، لو حسيت انه غلط فيك سامحه ، لو حسيت انه زعلان منك صالحه ، لو حسيت انه مضايق منك خفف عنه ، لو حسيت انه محتاجلك اترمي ف حضنه ، عشان الانسان ده مش هيتكرر تاني ف حياتك ، فمتفقدوش مهما حصل ، ممكن تلاقي حد يحبك تاني ، لكن صدقني مش هتلاقي حد يحبك زيه ، ولو مش موجود ادعي ربنا يرزقك بواحد زيه عشان فعلا الحياة بيختلف طعمها مية ف المية لما يكون ف حياتك.
ربنا يرزقكم من يحبكم الحب المطلق ، ويديكم الامان المطلق ، وتضمنوه الضمان المطلق ..يامن تعشقون البنفسج وتعشقون الامان
وتعيشون ونترك ارواحنا بجوار روحكم التي تسكن بداخلنا ..عنجد لكم في قلوبنا عشقا وغراما…
الي هنا وقطار الحب توقف مع ظهور كورونا الي ان نلتقي بعد زوال الوباء
