بحبك موت (بمناسبة عيد الحب .. من ديوان همسات ) للشاعر محمد رشوان
بحبك موت
لحد ما اموت
وتطلع روحى من صدرى
بعلو الصوت تعبت سكوت
وأدارى وانت ولا تدرى
انا وقلبى بقينا خلاص
مابين ايدك
وخفت اسكت تسيبنى
واضيع انا بأيدك
يا حلم العمر يا حياتى
يا سبب فرحى
بنظرة عين ولمسة ايد
يهون جرحى
وقلت خلاص هصارحك
قلبى بيريدك
بحبك موت
انا عشت حياتى من دونك
بدون روحى
ناسينى الفرح ودموعى
تزيد نوحى
جفانى النوم ساعات.. وساعات احب أسهر
وتلومنى جفونى واقول
يا جفونى ده مقدر
تفضحنى عيونى و ليه يا عيونى بتبوحى
بحبك موت
(بمناسبة عيد الحب .. من ديوان همسات )
