فداكى .. بقلم الشاعر محمد رشوان

فداكى
فداكى بكره وامبارح
فداكى حقى ومسامح
فداكى دم سال منى
و روحى تروح ولا تروحيش ابدا مني
واهديكى البسمه والضحكه
وانتي ف ثانيه ماتبكيش
ما هو انتى دم ف عروقى
وبيكى بعيش
ولو دمى ف ترابك سايح
ولا اقدر عنك اتكلم
كلام جارح
يموت إسمى يموت جسمى
ولا انطق بالغلط اسمك
فداكى عمرى لو مكتوب لى ليكى اموت
لكن بشروط
يفضل ف العلا اسمك
ما يتهزش ولا يسلم لأى طاغوت
ورب العرش يحميكى بجنود وملايكه من الملاكوت
ويحمى جيشك الواقف على حدودك
ويحمى الشرطه وجنودك
وكل شهيد فدا عيونك
برصاصة غدر طالعه من خثيث وجبان
خدها ف راسه وف صدره
واستشهد كما الشجعان
ومات كما الأسد شامخ
امانه لتجيبى حقه
من كل اللى إستباح دمه
وتنتقمى له من اللى خان
وفداكى يا مصر فداكى يا مصر
( القصيده الحاصله على جائزة إدارة الشؤون المعنويه بالقوات المسلحه المصريه)