حماد مسلم يكتب عن انزل شارك …مش نازل

ففي الحقيقة نحن امام استحقاق انتخابي تحت مسمي جديد بصراحة اسمه قول كده يدل علي ان المجلس هيكون مجلس الحكماء ايوه فعلا اصل مجلس الشيوخ بمعني ناس خبره وحكماء ولديهم خبره واسعه في شتي المجالات بمعني ان اعضاء مجلس الشيوخ داعمين اقوياء للبلد يعني يالبلدي كده البلد هتستثمر خبرتهم يعني عصير خبرتهم هيفيد البلد ازاي ندفع عجلة التنمية الي الامام لاحداث نهضة حقيقية ولكن عندما اري ان معظم المرشحين ولا لديهم خبره انما تم ترشيحه بمجرد انه رجل اعمال وقول كده معاه كام مليون علي كام واحد بسم الله مشاء الله شهادات علمية علي كام منصب وكام عضويه لمجلس ادارة يعني اخينا مشغول في مشاريعه ومصالحة السؤال هو هيفكر في مشاريع للبلد ولا هو اللي هيسخر ثروات البلد لمصالحه ده سؤال مطروح واجابته خبيثة علي فكره ده كلام ناس كتير …عزيزي القاريء انزل شارك نعم ننادي ايضا وبل نطالب الجميع بالنزول وقول رأيك بصراحة نزولك ومشاركتك هتنقذ البلد من اصحاب المال السياسي والله صوتك اغلي من الكرتونه والمائة جنيه انزل شارك لا تتدع كلام المشككين هننزل ليه انا مش نازل اصل الحكومه اللي عايزا ينجح هينجح بالطبع اجابة خاطئة مش نازل ده كلام الناس اللي مازالت تحمل داخل قلبها كرها للبلد وتشكك في اي انجازات ولكن ارتدائة نظاره سوداء جعلته هو والكفيف واحد عزيزي القاريء استحقاقات مجلس الشيوخ من اهم الاستحقاقات الانتخابية التي تشهدها البلاد لما لها من تأثير في الشكل العام والخطط التي ستتم علي اساسها ومناقشه القوانين والميزانيات التي من شأنها تجعل مجلس النواب القادم مجلس الامل نعم مجلس الشيخ احد الاجنحة المهمة في الحياة السياسية القادمة والبلد وماسوف تشهده من خلال جناحي الشيوخ والنواب واكتمال الاستحقاقات بالمجالس المحلية ودور الاحزاب يجعلنا نشعر باننا مقبلين علي مرحة شديدة الاهمية ..انزل شارك من اجل ان نرسم لاولادنا طريق الغد بمستقبل مطمئن انزل شارك وحدد ملامح بلدك في السنوات القادمه انزل شارك لاننا نريد معارضة قويه واغلبية كلا منهما يسعي لرفعة هذا الوطن ..انزل شارك عايزين تطوير حقيقي في المنظومة الصحية وايضا نريد تطوير تعليم يتناسب مع التطور العالمي ولا ننسي احوال المعلم الذي يتسول راتبه انزل شارك عايزين احزاب قويه منها المؤيد ومنها المعارض كلها مؤيده او معارضه من اجل البلد انزل شارك امتناعك عن حقك الدستوري الذي كفله لك جريمه في حق الوطن وحق نفسك ومعصيه للخالق …انزل شارك من تجل تعديل القوانين المجحفه …انزل شارك مشاركتك سوف تغير ملامح لانريد ان نراها انزل شارك مش علشان كرتونه ولا مائة جنيه انزل شارك علشان بلدك محتاجه صوتك …علي اي حال اللي مش نازل مش نازل ليه اجابه تجاوب عنها بنفسك وبعدين لا تلوم الحكومة لوم نفسك
………الخلاصة
مجلس الشيوخ من اهم الاستحقاقات الانتخابية اذا احسنا الاختيار ولكن اذا كان للمال السياسي المتحكم قول علي الدنيا السلام
……….فيتو
الله يلعن الكرتونه والمائة جنيه اللي جننت الناس