مين لسه علي حاله بقلم نبيل زيدان

 قوللى
مين لسه على حاله
قوللى
مين فينا ما تغيرش
ناس كانت بتسأل علينا كل يوم
دلوقت بقت مابتسألش
وناس كانت عينيها تشبع نوم
دلوقت صاحيه مابتنامش
و ناس كنا احنا بنهمهم
دلوقت وجودنا معاهم زى عدمه
بقت ما بتفرقش
و ناس كنا بنقسم وياهم اللقمة
غدروا بينا ما تستغربش
وأقرب الناس لينا اتغيروا علينا
وعايزنا احنا ما نتغيرش
وأحب الناس لينا خلو بينا
دنيا حالها ما بيدمش
وناس انكتب عليها تعيش تعبانه
طول عمرها ما ترتحش
ادى حال الدنيا و أحوالها
ما تستعجبش
قوللى
مين لسه على حاله
قوللى
مين فينا ما تغيرش