ادينى ودنك.. سيد محمد يكتب مين بيضحك على مين

سيادة وزيرة الصحة إغلاق العيادات الخارجية بجميع المستشفيات الحكومية جعل أزمة كبيرة لدى جميع المرضى الغلابة ال ممعهمش ثمن تذكرة الدكتور الخاص فى الوقت ان أغلب هؤلاء الناس قاعدين فى البيوت من غير شغل ولا اى مصدر رزق ياترا الناس دول الغلابة يروحوا فين كفاية قررات وبس فيه ناس عندها أمراض كثيرة ومش ناقصين
سيادة وزيرة التضامن الاجتماعى
جمعيات الأورمان ورسالة ومصر الخير بتنصب على الناس فى عز الظهر وأمام أعين رجالكم واعينكم انتم والناس بتموت كل يوم أمام هذه الدكاكين التى تسمي جمعيات نهب قوت الغلابة ولا احد يحصل منهم على شئ ياترا ممكن تنزلوا تشوفوا الموضوع ده ولا انتم عارفين واحنا بنهرى فى نفسنا وبس وياترا لو نزلتم هتحسبوهم ولا الموضوع فيه حاجة احنا مش عارفنها وياترا كل التبرعات ال حصلوا عليها بسبب أزمة كورونا بالملايين راحت فين لما الناس كل يوم بيبكوا أمام هذه الجمعيات دون ان يأخذوا جنيه واحد بالرغم انهم كلهم محتاجين وتنطبق عليهم كل شروط الاحتياج
سيادة وزير الداخلية
نحن نعلم جميعا كشعب مصر ان الصيدليات والسوبر ماركت معفاه من حظر التجوال وبالتالى كل من يذهب إليهم أثناء الحظر للضرورة القصوى يكون أيضا معفاه من الحظر ولكن الذى يحدث عكس ذلك فرجالكم قاموا بالقبض على أشخاص داخل الصيدلية نفسها
طيب لو احد أفراد الأسرة تعب فجأة بالليل ورب الأسرة نزل بسرعة يجيب علاج من الصيدلية ميرجعش لأسرته مرة ثانية
سيادة الوزير أين روح القانون نحن فى مرحلة صعبة وكل الشعب التزم وتكاتف علشان نعدى هذه المرحلة بخير وسلام وبعدين يدخل المواطن ال رايح يجيب شريط برشام لابنه يلاقي نفسه مطلوب منه 4000 آلاف جنيه فى لحظه هو اصلا قاعد فى البيت من غير شغل طيب يجيب منين والاسرة تعمل علشان الاب يخرج
بالتأكيد الموضوع مش سهل ومحتاج إعادة نظر
وربنا يجعله عامر
وإلى اللقاء فى المقال القادم