نقطه من اول السطر احلي حاجه في العيد العيديه

بعيدا عن السياسة وقرفها والاحداث المتلاحقة اللي مش عايزه تهدي ..ساعات ونستقبل عيد الاضحي المبارك اعاده علي الجميع بالخير واليمن والبركات ….جلست مع نفسي شويه كده ورجعت كام سنه كده قول اربعين سنه وعمري عمر الطفوله كنا ننتظر العيد من اجل الملابس الجديدة نخضها في احضانا وننام ومن الفجر وبعد صلاة العيد ننتظر الاهل والاقارب من اجل العيديه كان ربنا مقدرنا نلم من هنا ومن هناك العيديه نأخذ العيديه ونخرج نتفسح ونروح السيما والجناين وبعد ماالعيديه تخلص ندور علي اللي يقدر يديك عديه …بكل تأكيد عشنا طفولتنا حتي ولو كانت قيمة العدية بسيطه ولكن كنا نسعد وتغمرنا سعاده لاتوصف ..عزيزي القاريء سعدنا في الماضي عندما كانت الاهل تود بعضها البعض ولكن مايحدث الان يمكن للاقارب انهم لايرون بعضهم البعض حتي في الاعياد وخاصة وان هناك من طبيعة عمله مستمره حتي في الاعياد ..اليوم من الممكن ان تكون العيدية بالنسبة لفئة من الاطفال مبالغ لها قيمة لدي اسرة فقيرة لاتجد قوت يومها علي اي حال تعالي عزيزي القاريء مايحدث للسواد الاعظم من اطفالنا نجد الاباء يقولون لاولادهم ده عيد اللحمة وفي الحقيقة الاسره تنتظر كيس لحمه من الذين انعم الله عليهم بالضحية السؤال هل الاطفال اليوم يشعرون بفرحة العيد

ومظاهر السرور والفرح مثل ماكنا نشعر به ام انهم يشعرون ان الايام كلها مثل بعضها لافرق اظن ان الايام بالفعل اصبحت كلها شبه بعض لافرق فالايام الذي تمر كلها اعياد اذا كانت سعيده الخلاصة وجد نفسي في مقارنة بيني وانا طفل وبين اطفالي فرق كبير نعم اقر واعترف ان ابنائنا يعيشون ايام صعبة حتي ولو كانت قيمة العيديه كبيرة ولكن شعورهم بالعيد وفرحته للاسف الشديد تلاشت وربما في سبيلها ان تنقرض ونصبح نتذكرها وكأنها من التراث .

فالعيدية عزيزي القاريء هي احدي مظاهر الفرحة للاطفال حتي لابنائنا الكبار فيجب علينا ان نحافظ علي هذه العاده التي تجعلنا في ترابط لصلة الرحم وانبذوا عبارة العيد ده عيد اللحمه ارضي ابنك او اي احد من اقاربك ولو بعدية بسيطه لا تمانع في احياء تلك …في النهاية كل عام وانتم بخير ومصرنا العظيمة بخير ندعوا الله في تلك الايام يحفظ مصر وشعبها وجيشها من الارهاب الخسيس