رسام .. بقلم الشاعر مدحت غانم
رسام
رسام ورسم صورة
لبنوته حلوة صغيورة
وبتضحك فيها وامورة
وجمالها حاجه مش معقولة
وحط الصورة في برواز
وركب من بره إزاز
وعرضها في مسابقة وفاز
بمكافآة كبيرة ومهولة
وفي ليلة شتا دق الباب
ساب القهوة وفتح الباب
شاف بنوته في احلى ثياب
وكإن الصورة منقولة
استغرب حبة وركز اكتر
واتسمّر في مكانه يفكر
ومزاجه من الدهشة اتعكر
والصورة قلبت فزورة
وسألها إزاي امتي وفين
دانا رسمك بإيديا الاتنين
واشوفك كده رؤية العين
طبقا للصورة وغندورة
ردّت وقالت انا حبيتك
زي ما حبتني وسميتك
روحي وفي القلب خليتك
وجتلك وسبت الصورة
الشاعر
مدحت غانم
