ادينى ودنك حكومة حد الله يخليك

عزيزى القارئ اسف جدا انى تاخرت هذه المرة عليك بدفتر الاحوال والسبب كنت مكتئب ومخنوق ومش لاقى كلام يعبر عن ال جوايا من حال حكومة لا فكر لها ولا تخطيط الا بالصدفة اه والله بجد كل شئ اصبح عندنا انت وحظك طالما عندنا حكومة تصريحات فقط يعنى بق عل الفاضى نظام وجاهة وتلميع للمسؤول الكبير ويولع الباقى نفسى اعرف او حد يقول لى هما بيجتمعوا بيعملوا ايه لما بلد بحجم مصر بعد سنوات قليلة مش هيوجد فيها صنايعى او حرفى واحد طيب بالله عليكم وهما بيجتمعوا من سنين فكروا فى المصيبة دى مش قلتلكم هما ما بيفكروش هما بيجتمعوا بس لزوم التلميع عزيزى القارئ هذه المصيبة التى لا تعلم عنها حكومة حد الله يخليك شيئا بسبب ماسورة التكاتك ال ضربت في مصر دون غيرها من الدول ليه معرش اشمعنا مصر بالذات دون انحاء العالم طبعا نتج عن هذا الموج الجارف من التكاتك اختفاء بلية او صبى الورشة كما يطلق عليه لان ولد صغير دلوقتى بيجرى يشتغل على التوكتك علشان يبقى معلم حر نفسه بعيد عن شخط وضرب الاسطى فى الورشه وعلشان يشرب سجاير وبنجوا وبرشام على راحته ماهو كل شئ عندا بالصدفه طيب سنوات قليلة الصنايعية ال موجدين حاليا وبنعكذ عليهم هيكبروا في السن واهيعدوا فى البيت طيب نجيب منين صنايعية وحرفيين لبلد زى مصر اختفى منها بليه بفعل فاعل طيب منين نجيب صبى وبعدين يبقى اسطى زى زمان اهى الماسورة ضربت والكارثة حصلت ولا حس ولا خبر محدش قال حاجة ولا حتى حد فكر متكنش الحكومة عمللنا مفاجئة زى العادة يعنى وهتستورد لنا بلية من الخرارج زى الارز المستورد كدة بس الولد بلية صغير على الاستيراد طبعا الحكومة بتموت فى المستورد علشان بتحب تريحنا وتريح دمغها منا اصل احنا شعب زنان طيب ايه الحل هنصحى من النوم مش هنلاقى صنايعية وحرفيين فى البلد ينهار اسود بلله عليكم بلد بحجم مصر يحصل فيها ده دون انحاء العالم ولا ممكن تكون الحكومة معتمدة على التعليم والله العظيم خريج الهندسة ما بيعرف يركب لمبة كهرباء فى بيته ولا يفك كبود عربية والسبب انتم عارفين ترتبنا في التعليم عالميا كام بلاش فضايح وبلاش ننشر غسلنا لابد ان نعترف ان فيه مصيبة ونحاول نلحق نحلها ده اذا لحقنا وربنا يجعله عامر والى اللقاء ان كان لنا نصيب