نسمه سيد تكتب الشعب يصرخ

هنترفد وهنقعد فى البيت
بصراحه الطرق هى الحاجة الوحيدة في البلد الى الحكومه مهتمه بيها
طبعا الكل هيرد ويقول مجنونه دى بتتكلم عن حاجة تعتبر الدول المتقدمه الى بتقوم بيها ويااه دة انجاز عظيم وكلنا هنصفق حاضر
معندناش اي مشكله فى انكم تعملو ترميم لطرق متشكرين لكم جدا بس السؤال هنا ؟
هل يجوز تصليح الطرق فى الايام الى فيها شغل لا مش كدا بس دة فى نفس الساعه الى بيرحو فيها الموظفين الشغل الساعة ٨ صباحا يبتدى شغل الترميم الشعب يصرخ هنترفد يابشر ؟
ال ملفت للنظر أن كل التلفونات فى السيارات بترن فى وقت واحد والاجابه موحده الطريق واقف مش عرفين فى ايه !
احد المواطنين يكاد هيجلو الضغط من كتر اتصالات الشغل عليه ونفسه يعرف هوا فى ايه كان ناقصه العياط طبعا الموضوع مش سهل شغل وبيت ومسئوليه عليه لو اترفد هيعمل ايه وصل لحد كوبرى الجيزة وشاف أنه فى تصليحات على الكوبرى شارع الهرم بقى ساعتين عشان نطلع منوا لو شغلك فى اسكندريه هتوصل اسرع صدقنى يصرخ المواطن من الضغط الى عنده عندما وصل على الكوبرى وشاف التصليحات انتو بتعملو ايه !!!
بصلحلكم الطريق طيب ياجماعة متشكرين على مجهوداتكم العظيمه بس انا كامواطن لما اترفد من التاخير هعمل ايه بالطريق
ماانا مش همشى عليه تانى
يلا اهو ممكن ينفعنى لما اترفد القى طريق كويس انام عليه انا وعيالى
سؤال : هل لا يجوز الشغل يوم الجمعة والسبت واستغلال اجازه الموطنين وتصليح الطرق
وهل لا يجوز أن يتم العمل من الثانيه عشر منتصف الليل الي السادسه صباحا
بس شكلهم بتروح عليه نومه
الاجابه علامه تعجب فقط !!!
واخر كلامى هوا انجاز ياحكومه متشكرين بس ياريت ندرس الوضع قبل التنفيذ الشعب له حق تفكروا في مصلحته شويه كفايه انجازات على حساب الشعب
والى اللقاء فى زنقه جديده