سيد محمد احمد يكتب .. التعليم ونظام حلق حوش

دفتر احوال الشعب 7 التعليم ونظام حلق حوش عزيزى القارئ الوزير مشى الوزير رجع الوزير قال الوزير صرح الوزير طور الوزير حدث وفى النهاية النتيجة صفر مربع المحصلة طلبة على القهاوى والكافيهات منتظرين السيستم يوصل بالسلامة طبعا الانتظار ده يتطلب حجرين معسل وربما حشيش ماهو ده التطوير وسع يا جدع واوعى حد يتكلم طيب هو التعليم اصبح حلق حوش لية مدارس متنوعة وعديدة تغلط عزيزى القارئ وانت بتعدها اشي لغات واشي تجريبى واشي يا بانى واشي كوري والمانى وهندى ومحدش يزعل منا لو نسناه بالاضافة المناصب والادارات المكعبلة فوق بعضها تجد في المدرسة الواحدة عشرين منصب مدير ونائب للمدير ووكيل ونائب للوكيل وناظر ونائب للناظر اشمعنى هوه ومدرس اول ومدرس ثانى ومدرس تالت ومدرس رابع ندخل بقا على المصيبة الكبري وهم الاخوة الموجهين بالادارات والمدريات حدث ولا حرج ليس لهم شغلة ولا مشغلة غير فرض الاتاوات على المدرسين ويا ويل ال ما يففتحش مخه وكمان ايه ده فيه موجة اول وموجة تانى وتالت ورابع مش قلتلكم انه تعليم حلق حوش وفى النهاية الخريج بيتخرج ميعرفش هوه اتخرج فى اية ومدام التعليم بهذا الحال عمرنا مهنلاقى توفيق الحكيم ولا طه حسين ولا عباس العقاد ولا نجيب محفوظ ولا زويل ولا الباز تانى ابدا سيدى وزير التعليم التغليم اصبح بدون تربية لا فى المدرسة ولا فى البيت لان سيادتكم اهتميتوا جدا بالتعليم ونسيتوا التربية اولا حيث انه لا تعليم بدون تربية سيدى معالى الوزير التعليم عندا مش محتاج كل الظيطة دى من تطوير ولا تحديث ولا مدارس متنوعة ولا مناصب عديدة فوق بعضها البعض ومحدش بيعمل منهم حاجة ولاكن مطلوب نرجع بالتعليم زى زمان الناظر ناظر المدرس مدرس الطالب طالب الحصة حصة سيدى الورير مش هوه التعليم بتاع زمان هوه ال طلع منه العباقرة والعلماء طيب بالله عليكم بنظام التطوير ال وجعين دمغنه بيه خرجتوا اية خرجين مش عارفين هما خرجين فى ايه وربنا يجعله عامر والى اللقاء في دفتر احوال قادم