مصاب قطار الإسكندرية حاول الانتحار بعد وفاة صديقه: «رميت نفسي قدام عربية وناس لحقتني»
كشف أحمد سمير، المصاب في حادث تذكرة القطار، رد فعله بعدما سماع خبر وفاة صديقه، قائلًا: «بعد ما نطيت من القطر خرجت أمام محطة بنزين وحكيت لواحد إللي حصل في المحطة وقولتله عايز دقيقة تليفون أطمن على صاحبي».
وتابع «سمير»، خلال مداخلة تليفونية مع الإعلامي شريف عامر، ببرنامج «يحدث في مصر»، المذاع على فضائية «إم بي سي مصر» مساء الأربعاء: «فضلت واقف قدام المحطة مش عارف أعمل إيه، فضلت أرن كتير لحد ما واحد رد عليا قالي هو أنت اللي كنت بتزعق في المحطة، تعالى الحق صاحبك مات»، مضيفا: «كنت فاكرهم بيكذبوا علشان يسلموني، اتصلت تاني قالي والله مات».
وأضاف: «جاتلي هيستيريا وفضلت ماشي في الشارع أقولهم الحقوني يا جدعان صاحبي مات، بعدها لقيت إسعاف داخلة ووراها 3 ميكروباصات، وأنا بصرخ في الشارع ومش مصدق نفسي، وجريت عايز أموت نفسي تحت العربية والناس لحقتني»، معقًا: «أنا وصاحبي كنا بنقسم مع بعض كل حاجة حتى السيجارة إللي بنشربها؛ لأن ماكنش معانا حتى فلوس السجاير».
