حمايه المستهلك تكشف تفاصيل الابلاغ عن شركات السياحة والسفر
نويت تطلع عمرة المولد النبوي الشريف،، وبعد مااخترت من عروض العمرة ،،الشركة طلبت منك فلوس زيادة اشتكي لحماية المستهلك وماتدفعش ولا مليم زيادة
كتب علاء حمدي قاعود
بمناسبة حلول موسم عمرة المولد النبوي الشريف
وإقبال المسلمين على العمرة لهذه المناسبة الشريفة ،، حتلاقي كل شركات السياحة بها عروض متنوعة لبرنامج العمرة ،، وكل برنامج سواء اقتصادي أم فاخر ،، بيكون محدد سعره وأسماء الفنادق وعدد الايام ،، وطبعاً سعر البرنامج بيكون شامل التأشيرة والباركود وتذكرة الطيران.
يعني الطبيعي إن حضرتك بتختار البرنامج اللي يناسبك وبتدفع الفلوس المحددة للبرنامج ،، ومش مطلوب منك أي فلوس تاني
لكن بعض الشركات المضللة بتطلب منك فلوس زيادة قبل العمرة بكام يوم بحجة زيادة تمن تذكرة الطيران أو الفندق،، أو بيقولك العرض مكنش شامل سعر الباركود مثلا
كل ده نصب وتضليل ولا يجوز قانونا
علشان كده بنقول لحضرتك ماتدفعش ولا مليم زيادة ،، وقبل ده كله ياريت من الأساس تتعامل مع شركة سياحة مرخصة وتكون برامجها مكتوبه بطريقة مفصلة وواضحة ،، وحضرتك قبل ماتدفع سعر البرنامج أتأكد إن البرنامج واضح وشامل كل حاجه ٠٠٠٠٠
واخيرا لو اتعرضت لأي استغلال أو تضليل
اشتكي واحنا في خدمتك بالتعاون مع الجهات المختصة الأخري ٠٠٠٠
وكل عام وحضراتكم بألف خير
للشكاوي تواصل معنا
عبر رسائل صفحة يوميات إدارة حماية المستهلك بمديرية تموين سوهاج
أو شرفنا بالحضور لمقر الإدارة بمديرية تموين سوهاج إدراة حماية المستهلك الدور الرابع
أو الاتصال بنا من خلال رقم 0112 460 7848
مدير الإدارة. وكيل الوزارة
ا/سحر حامد عجاج م/ محمد ابراهيم ابراهيم
