إســلام شــوقى يكتب: فوز من عند الله ليس له علاقه بكرة القدم
ممكن اكون ساذج في اللي هقولة و كلامي بعيد عن المحتوي الكروي و التحليلي لكن…….
انا إنسان قدري في كل شئ حتي في الكورة والله…انا بقول كدة عشان كنت حاسس ان ربنا شايلنا نصر عظيم حتي و الزمالك كان معنوياته و فنياتة أعلي مننا
١- قبل ماتش الوداد الذهاب كل افريقيا بتقول ان الكاف هيصالح الوداد (حتي بعضمة لسان مسئولي بعض المغاربة ) و عشان ربنا كبير كافئنا و نصرنا علي الحكم قبل الوداد و كملها في العودة علي خير لإننا تعبنا.
٢- الظلم و التدليس و الخوض في الشرف اللي اتعرضلة محمود الخطيب و المجلس و الأهلي و (رجع ساعات و ماجدة الخ…)من الحقير مرتضي و انصارة من المرتزقة كنت حاسس ان ربنا هيكافئنا علية عشان التزم الصمت و فوض امرة لربنا و القضاء و بداية من موقف مرتضي الصعب بخسارتة في الانتخابات و ان نفوذة انتهي حالياً الي ان تم التتويج باذن الله كانت عدالة السماء.
٣- ماتش سوبر الامارات كان درس و علامة من ربنا لينا في جزئيات و كان ربنا محوشلنا الخير فيما هو أكبر و أهم…الدرس ان الكهربا ينضج و ميوترش الفرقة تاني و الدرس التاني اننا منستسهلش الفوز علي الزمالك و ندي المنافس حجمة و نرجع نحترمة من جديد.
٤- ماتش “الأوتوبيس” فعلاً منظومة الزمالك الادارية كلها كانت خسيسة و ابعد شئ من الرجولة انها تهرب من انها تيجي الملعب عشان تلعب الماتش و خلوا لعيبة الأهلي واقفة مستنية في الملعب لوحدها في شكل عار علي كل زملكاوي و ومحدش طلع قال ان اللي الزمالك عملة دة عيب و مش رجولة و مش اخلاق رياضة.
٥- في عز زعلنا علي رحيل ڤايلر المفاجئ كان ربنا شايلنا هدية الخير موسيماني اللي لا كان عال بال و لا علي الخاطر و عوضنا بية خير .
٦- قناة الأهلي مكانتش بتجيب سيرة الزمالك لا بالخير و لا الشر الناحية التانية
قناة الزمالك يومياً لازم ترمي الأهلي باتهامات باطلة و ربنا مش بيسيب و نسيوا ان ربنا موجود.
٧- ربنا اراد ابتلاء و اختبار مؤمن زكريا في المرض لعلة خير و دافع ان الاهلي يموت نفسة عشان ابن من ابنائة يتوج مرتين مرة سفير النهائي و مرة بالميدالية و يبقي اسمة متسجل في التاريخ …و دعاء المريض دايماً مستجاب بإذن الله و انا علي يقين ان مؤمن كان من اسباب الفوز للأهلي بدعائة.
٨- ربنا اراد لينا شعبية اكتر و تعاطف اكتر في قارة إفريقيا مع موسيماني بعد التعدي و الظلم و التشكيك في قضية نادي القرن اننا لا نستحقة و سبحان الله احسن Marketing للاهلي في ان الأفارقة بقوا يقولوا الاهلي نادي القرن و كمان كسبنا الزمالك في نهائي القرن و حسمنا القضية دي.
٩- فتنة تركي الشيخ ربنا وأدها و اختفت و الراجل تحول ١٨٠ درجة هداية من الله انة ميوترناش و لا يشغلنا بل بالعكس دة اصبح داعم في شكلة الطبيعي.
١٠- الجنايني الظالم في عقوبات السوبر و اللي كان بيحتفل مع الزمالك و ربنا خلاة يقف قصاد كهربا و هو لابس الميدالية الذهبية و يتكسر بعد ما كان محضر نفسة للإحتفال مع الزمالك.
١١- زعلتوا من او علي رمضان صبحي ربنا عوضنا بطاهر و سيرينو في الطريق ان شاء الله و بدر بنون و ميركاتو تقيل الاهلي منفذوش من سنين عشان خاطر كأس العالم للأندية و السوبر الإفريقي و رمضان راح فرقة عمرة ماهيعمل معاها تاريخ.
١٢- الثقة اللي كانت عند لعيبة و ادارة و جماهير الزمالك كانت بتقول ان الغرور تملك منهم و ربنا عمرة ما ساند المغرور.
١٣- شيكابالا اللي عمل حركة وسخة لجمهور الأهلي في الامارات بعد ماتش السوبر في مدرج مليان ستات و بنات ربنا كسرة انهاردة بالرغم ان ربنا كافئة بجول حلو ممكن (رداً علي القلة من الجماهير اللي تنمرت علية) بس هدف ملوش طعم لانة خسر و كل ما يشوفة هيفتكر انة انكسر في مباراة الهدف دة…اوعي تقيم راسك تاني علي جمهور الأهلي
.
١٤- بايرن ميونخ كل ما يكسب بطولة اوروبا الأهلي في نفس السنة يكسب أفريقيا فكنت متفائل الأمر دة حصل سنة ٢٠٠١-٢.١٣ و اخيراً 2020.
١٥- إحنا كجمهور الأهلي ليلة الماتش ختمنا القرآن و قسمنا الأجزاء علينا و كان نصيبي الجزء الثاني و ربنا عمرة ما خذل بني ادم اجتهد في عبادتة خير.
١٦- نغمة ان الأهلي كسب من غير ما يلعب سبحان الله هما فرحوا بيها اخر ماتشين و ربنا دوقهم من نفس الكوباية “انة العدل يا سادة”.
اللهم لك الحمد.. عمر الظلم و قلة الأدب و الخوض في الأعراض و الغرور ما يكسبوا في النهاية.
