حماد مسلم يكتب عن التصالح ياريس.. واحده واحده علي الشعب ياحكومه

لا نختلف ان التجاوز مرفوض نتفق اننا ضدد العشوائية وضدد الفساد نعم ضدد الفاسدين ومن زرع الفساد ايضا وسهل له نحن معك ياريس في ان بلادنا بالفعل بيتم بنائها من جديد ونقدر ونثمن انجازات حدثت بالفعل ولا ننكرها ونؤكد علي ان محاربة الفساد ليس بالسهل ونؤكد ايضا علي العشوائيات تلتهم مقدرات هذا الوطن ونؤكد ان هناك من يستفيد من العشوائية ونعلم ان اباطرة الفساد ينسجون شباكهم لاصطياد ضحاياهم بشائعات ولكن علي يقين ايضا ان هناك الملايين من الشعب ياريس قانون تصالح البناء سوف يؤدي بهم الي السجون سيدي الرئيس مهلا علي المواطن البسيط المواطن يريد ان يعيش في امان ولكن المنظر الذي نراه من هدم مساكن بصراحة حاجه توجع القلب يعني لم نري فيلا او قصر تم ازالته قانون التصالح ياريس محتاج مراجعة مش معني ذلك نترك المخالفات ولا محاسبة المسئول عن ذلك ولكن المطلوب سيادة القانون علي الجميع المواطن ياربس بيكح تراب سيدي الرئيس المواطن بني بيت او منزل علشان مش لاقي شقه لابنه اصل قانون الايجار القديم ياريس بيورث للساكن مش للمالك المالك اصبح يتسول من تدني الايجارات القديمه وعندما يقوم المالك ببناء شقه لابنه مصيره السجن الناس ياريس عايزه تتحاسب علي اللي جاي الحساب مش بأثر رجعي ..سيدي الرئيس محاسبته المسئول قبل المواطن فاكثر من عشرين مليون مصري مهدد بالسجن السؤال الناس لو مدفعتش هنبني سجون ليهم من الافضل نبني مصانع ومدارس ومستشفيات ونجد فرص حقيقية لاولادنا للعمل والعجلة تدور وندفع ثمن المخالفات ….عزيزي القاريء نحن بالفعل امام مشكلة شائكة المطلوب فيها جراح ماهر يعالج المشكلة بطريقه لا تؤلم المواطن ولا تجرح كرامة الحكومة وايضا محاسبة المسئول اللي سهل علي ذلك ففي الحقيقة هناك بالفعل حالة من الانكسار لدي المواطن في ظل الظروف الاقتصادية الصعبة وبخلاف لم نجد حل من عباقرة السياسة ولا الاحزاب اللي صدعت دماغ اللي خلفونا علي اي حال هل المرشحين الجدد لمجلس النواب لديكم حل تعالوا اغششكم حل ….الحل بكل بساطه نقدر مقدار المخالفه ونقسطها علي المواطن وايه المانع مثلا علي عشرين عام وتضاف الاقساط علي فاتورة الكهرباء والمياه والغاز يعني ببساطه كده واحده واحده علي الشعب ياحكومه …يعني المواطن اللي عليه مثلا مبلغ عشرين الف ويتوزع علي ٢٤٠ شهر مايقرب في الشهر ٨٥جنيه هيكون اتحفظ للحكومة كرمتها وللمواطن تم مراعاة ظروفه ..علي اي حال المواطن ياساده بيكح تراب نعم مهدد بالسجن نعم …في النهاية المطلوب جراح بالفعل يخرجنا من كل الازمات وكلنا ثقة اننا سوف نتخطي المرحلة الصعبه ونؤمن ان مصر سوف تتغير خريطتها للاحسن واحده واحده علي الشعب ياحكومه