سيد محمد أحمد يكتب.. يانهار اسود غرامة تانى يا حكومة

ادينى …… ودنك

عزيزى القارئ ….
بدون مقدمات . اكتب إليك هذه المرة بقلم من صمت وحبر من دم . على ما وصل به حالنا ….. وقررت هذه المرة ان أشرك معى السادة القراء الأعزاء وعرض رسائلهم كما هى بعد أن ضاق بى الأفق ولا استطيع ان أسرد مرارة ما يدور حولنا ؟
المرارة هذه المرة،،،؟
هى قرار اللجنة العليا للانتخابات برئاسة المستشار لاشين إبراهيم بتوقيع غرامة مالية على كل فرد مقيد بكشوف الانتخابات ولم ينتخب او يرفض الذهاب إلى لجان الانتخابات تطبيق للمادة 57 المعدلة بالمادة 45 لسنة 2014 وهى تنص على فرض غرامة لا تتجاوز ال 500 جنيه ؟؟؟؟؟؟
إلى هنا انتهى قرار اللجنة العليا للانتخابات ؟؟؟؟ والسؤال الذى يفرض نفسه هى ناقصة غم ونكد انتخابات ايه وهباب ايه ومجلس شيوخ ايه دول شيوخ منصر جدد هيتفرضوا علينا كان نفع مجلس النواب أقصد مجلس الحكومة …
طيب على ايه تجبرنا على حاجة مش لينا والناس نجيب منين غرامة ليكم ولا الحكومة تقصد ال 500 جنيه بتاعت كورونا ال ما حادش اخدها ولا حتى شافها عند بعد ؟؟؟؟؟
عزيزى القارئ ….
إلى هنا القلم الصامت لم يجد دما يكتب فقررت ان أعرض رسائل وردود السادة القراء على قرار فرض الغرامة على من لا ينتخب …….
أحد القراء قال انتخب مين عليا الطلاق ماهنتخب حد تانى فى البلد دى ما انا كنت بنتخب كل مرة عملوا لى ايه هدموا بيتي ال فيه شقا عمرى وواخد جميع الموافقات وانا وعيالى دلوقتى فى الشارع يبقى انتخب مين وليه ؟؟؟
قارئ آخر قال هو احنا ناقصين هما ماوراهمش غيرنا غرمات وذيادات كل يوم هو احنا لاقين ناكل ؟؟؟
واخر قال اه احنا نروح ننتخب وهما يكوشوا على كل حاجة اى واحد هيروح ينتخب يبقى راجل مش تمام ؟؟؟؟
سيدة فاضله قالت ده مجلس شيوخ منصر جايين لخدمة مصالحهم فقط ومش بيعملوا لينا إي حاجة طول عمرهم كمان عايزين يغرمونا بدل ما يسبونا فى الهم والغم ال احنا فيه ؟؟؟؟
قارئ آخر قال الناس ال عايزنا ننتخبهم إجباري لم نراهم ال يوم الانتخابات فقط وبعدين بيختفوا يبقى ليه انا أتعب نفسي فى شئ غير مفيد لى ؟؟؟
وقارئ محترم قال .. احنا انتخبنا مجلس النواب الحالى عمل لينا ايه ده حتى اصلا ما كانش موجود وليس له دور سوي الموافقة على قرارات الحكومة فقط والتهليل والتكبير كل يوم للحكومة حتى أطلق عليه مجلس الحكومة ولم يفعل شئ للشعب الغلبان حتى الان وانا اتشوينا واتكوينا بذيادة الأسعار وأزمة كورونا وفرض الاتوات كل يوم من الحكومة وهما يطبلوا وكبروا للحكومة يبقى ننتخب ليه ولوا حتى فيها سجن كمان مش هنتخب تانى ………………؟
عزيزى القارئ … نكتفى بهذا القدر من ردود السادة القراء حيث لا يسع المجال لعرض الباقى ….
وربنا يجعله …….عامر ….؟وكل غرامة وانتم طيبين ؟؟؟؟؟؟؟
وإلى اللقاء فى المقال القادم