ادينى ودنك بقلم / سيد محمد أحمد

ا غيثونا
قرارات قرارات قرارات وبس
كل ال احنا بناخدوا منكم قرارات وبس صح غلط مش مهم وعلى المتضرر اللجوء إلى الله
عزيزى القارئ خد عندك وادينى ودنك كويس اول القرارات ال احنا مش عارفين نعمل فيها ايه فرض الكمامة اجبارى لكل مواطن وخد عندك أسرة فيها عشرة أفراد ورب الأسرة متعطل عن العمل منذ شهور بسبب أزمة كورونا وليس عندهم اى دخل طيب يعمل ايه ويجيب منين كمامات له ولأسرته وان ماجبش كمامات زى ما الحكومة قررت يستعد للمحضر ابو أربعة آلاف جنيه وده القرار التقيل ال بعده علشان احنا عندنا فى مصر دائما القرار بيجيب قرار مش انا قلتلك عزيزى القارئ أن احنا بلد قرارات وبس وحط الف خط تحت كلمة بس
طيب وبعدين يا أصحاب القرارات ملعهش هتكلم فى الكبيرة وربنا يستر علينا وعليكم طيب كان الأولى بدل توزيع وبعترة الهدايا شرق وغرب على الدول الأخرى بالاطنان كل يوم والتانى مش كان المواطن المصرى الغلبان ال مش لاقى هو وعياله يأكل تتوزع عليه الحاجات الطيبة دى هو مش الجار أولا بالشفعة ولا انا غلطان بدل الغرامة والبهدلة وهو الراجل مش مستحمل طيب وفر الكمامة للمواطن مجانا وبعدين زى ما ارسلتها للدول الأخرى مجانا ولا ده فرح وفيه نقطة بتبعتوا النقوط للدول وبعدين هيتردلكم فى مناسبة تانية ولا الموضوع اية ا غيثونا اغاثكم الله احنا البلد الوحيدة ال كلها قرارات من فوق إلى تحت كل ما تمشى تلاقى قرارات ولاوايح وقوانين تسد عين الشمس وعلى فكرة ده سبب تأخرنا وتراجعنا بين العالم والمصيبة انهم عارفين كدة وعاملين نفسهم مش عارفين
عزيزى القارئ طيب السادة البهوات لما فرضوا الكمامة ما خادوش بلهم ان تبادل العملة الفلوس بين الناس دى فيها كارثة أكبر بكثير من لبس الكمامة طيب الفلوس تتنقل بين الناس يوميا بالاف ولا ندرى من لمسها حامل للمرض ام لا وأيضا ركوب الميكروباص عندما يقوم المواطن بفتح باب السيارة ليركب فهل يعلم من سبقه للمس اكرة باب السيارة حامل للمرض ام لا واالكرسى الذى يجلس عليه المواطن بالسيارة كم شخص جلس عليه هل كان منهم أحد حامل للمرض ام لا
شفت عزيزى المواطن ان احنا بتوع قرارات وبس صح غلط مش مهم يعنى الموضوع مش كمامة وبس ده فيه بلاوى كثيرة بس احنا ما خدناش بالنا الا من الكمامة حطوا ايدهم فى الشوال طلعولنا بالكمامة
معلهش السادة أصحاب المقام الرفيع هتكلم فى ال اتقل وربنا معنا قرار إلغاء الحجر الصحى للقادمين من الخارج ووضعهم فى منازلهم مع نفسهم ده مش كارثة ينهار اسود انتم جبتم القرار ده منين يعنى نجيب الناس بالمرض من الدول الأخرى ودخلهم عادى وكل واحد يعمل لنفسه حجر فى بيته مش بقولكم بلد قرارات وبس صح غلط مش مهم
السادة البهوات انا عارف إننى تخطيط الحدود ولاكن بدافع حبى ووطنيتى لبلدى فارجوا ان تستحملونى فى ال جاى
موضوع تسعيرة المستشفيات الخاصة لمرضى كورونا دى محدش يقدر عليها ال تجار المخدرات والحرامية الكبار وطبعا الناس مش عارفة ان معظم هذه المستشفيات تبع الجماعة الكبار عرفت عزيزى القارئ ان الموضوع كبير الناس الكبار ال بيعملوا القرارات هما هما أصحاب المستشفيات الخاصة فالموضوع سبوبة وفرصة طيب المفروض احنا فى أزمة حاليا كان المفروض يكون فيه قرار اجبارى بفتح جميع المستشفيات الخاصة أمام المرضى بالمجان ولا ده قرار ما ينفعش علشان فيه ناس هتزعل واحنا ما ي رضناش زعلهم وتولع الغلابة
معلهش السادة أصحاب القرارات آخر حاجة بس كبيرة قوى لما تكونا عايزين تفتحوا كل شئ فى البلد يا ريت يكون بالوضوح والشفافية بدل الكذب والخداع لان الناس بتفهم كويس قوى صرحتم أكثر من مرة ان الأسبوعين الحاليين هما زروة الفيروس لحد كدة تمام من يومين تعملوا تقريركم اليومى على ان الإصابات بتقل.طيب ماهو.من يومين كانت ارتفاع مستمر
هب ابن العفريت شغل دماغه عايزين نفتح يا جدع ال يموت يموت وال يعيش يعيش نقص كل يوم فى إعداد الإصابات علشان الناس تصدق وتهلل وتكبر ونفتح ومحدش هياخد باله من حاجة
طيب والله يا عباقرة عندكم حق ماهو كده كده المستشفيات بتاعتكم مابتاخدش حد لأنها مليانة على آخرها يعنى مافيش مرضى بتتسجل يعنى كل واحد مريض بيته بيقابل.مصيره بنفسه هتجلكم منين.أسماء جديدة مش بقولكم يا ولاد العفريت
وربنا يجعله عامر بحسكم وقرارتكم
وإلى اللقاء فى المقال القادم