سيد محمد أحمد يكتب.. حكومة حلق حوش

ادينى ودنك

اقعد فى البيت أنزل الشغل البس الكمامة اخلع الكمامة الفيروس وصل الفيروس مشى عزيزى المواطن المغلوب على إمرة هذه هى تصريحات المسؤلين يوميا فى جميع وسائل الإعلام المختلفة لزوم انا اكذب اذا انا موجود ولزوم لابد أن أكن موجود مش انا مسؤل ولا ايه واصبح المواطن فى حيرة يعمل ايه ويصدق مين ويكذب مين حتى انهم قالوا بالحرف الواحد وآخر ما توصلوا آلية لابد ان نتعايش مع الفيروس ونمشى حالنا طبعا المقصود حال واستثمارات رجال الأعمال الكبار قوى وطبعا هنتعايش مع الفيروس على اساس انه شئ لطيف وظريف ومسلى
طيب بالله عليكم ده يسمى تخطيط ولا تخبيط ولا هو علشان خاطر عيون رجال الأعمال وفلوسهم يضيع المواطن الغلبان ال مش لاقى ثمن الكمامة ال انتم هتفرضها على كل مواطن اجباريا بدل ما تعطيهالوا مجانا بصراحة انا مش لاقى كلام أقوله لأننا أصبحنا مش فاهمين حاجة تصريحات وزيرة الصحة اليومية الأعداد تزداد كل يوم وأماكن يتم غلقها بالكامل من كثرة الحالات الإيجابية فيها وناس بتموت كل يوم بهذا الفيروس ولا احد بيشفهم ولا تعرف الحكومة عنهم شئ لأنهم اصلا مابيروحوش المستشفيات لان المستشفيات امتلئت وتكدست بالحالات المصابة كل ذالك والحكومة تقول لازم نتعيش علشان خاطر رجال الأعمال الكبار قوى هيزعلوا ويغضبوا والشعب أصبح كتير قوى ومش هتفرق المهم الكبير يتراضا مواطن وزفت
يسيادة المسؤلين والله أعلم الناس أصبحت تنتظر تقرير وزارة الصحة اليومى زى نتيجة الانتخابات بسب تصريحات سيادتكم المتخبطة ومش عارفين ولا فهمين اي حاجة يصدقوا مين ويكذبوا مين
سيادة مسؤلين حلق حوش فتحتم المرور والشهر العقارى والمحاكم لأجل عيون مصالح أشخاص طيب مافيش حد فيكم شاف او سمع عن كم الزحام فى هذه الأماكن حاليا بعد فتحها وماهو مصير المواطن الغلبان وسط هذا الكم من البشر المتكدس بالساعات داخل هذه الأماكن من المستفاد ومن المتضرر طبعا انتم بس ال عارفين مش مسؤلين بقى
وربنا يجعله عامر
وإلى اللقاء فى المقال القادم